بنوتة كانت في محطه المترو زهقانة قرفانة راجعة من الشغل حرانة
ولقيت ست عجوزه بجلبيه سودا بتقولها
والنبي يابنتى ممكن اقصدك في خدمه
-أوي أوي يا حجه أوامرك
-ألأمر لله وحده يا بنتى بس كنت عاوزه ادلي جواب لولدي فممكن تكتبهولي
-حاضر يا حجه عنيا
طلعت ورقه وقلم وقالتلي
اكتبى يا بنتى ......
نجطه ومن أول السطر
ولدي الغالي
انا عارفة انك مبتعرفش تقرا بسرعة، عشان كدة بكتبلك الجواب ده بالراحة. المهم إحنا كلاتنا كويسين جوى جوى، ابوك خلانا نعزل من الدار عشان مش عايز اى حاجة تفكره بالسنين اللى فاتت , بس انا مش هجدر ابعتلك العنوان لانى معرفوش اصل جماعة ولاد عبد الرحمن اللى كانوا ساكنين جبالنا اخدوا اليفط اللى مكتوب عليها اسم الشارع ونمرة الدار ولزجوها على دارهم الجديد , بس المطرح هنا حلو جوى وتخيل الدنيا ممطرتش غير مرتين فى السبوع كلاته مرة تلات تيام في السبوع ومرة اربع تيام .
واخوك جاب عربية جديدة كل شبابيكها بتطل عالشارع بدل اللى وجعت فى الترعة ورحنا بيها عند عمتك بس الواد المسطول اخوك خرج وجفل على المفاتيح وفضلنا احنا وابوك محبوسين فى العربية لحد ما جه جدع ابن حلال كسر الجزاز وطلعنا.
اختك خلفت النهاردة الصبح بس لسة معرفش واد ولا بت فمعرفش انت بجيت عم ولا عمة
هية دى كل اخبارنا ارجو تكون بالخير وربنا يديم المعروف
والدتك الغالية سحر
ملحوظة:
انا كنت هبعتلك فلوس فى الجواب بس نسيت وجفلت الظرف جبل ما احطهم